नयाँ सरकार गठनको आह्वान गर्न राष्ट्रपतिलाई तीन दलका नेताहरूको आग्रह


विपक्षी तीन दल नेपाली काङ्ग्रेस, नेपाल कम्युनिस्ट पार्टी (माओवादी केन्द्र) र जनता समाजवादी पार्टीले नयाँ सरकार गठनको प्रक्रिया सुरु गर्न राष्ट्रपतिलाई आग्रह गरेका छन्।

सोमबार काङ्ग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्प कमल दाहाल र जनता समाजवादी पार्टीको केन्द्रीय समिति अध्यक्ष उपेन्द्र यादवले संयुक्त रूपमा विज्ञप्ति जारी गर्दै त्यस्तो आग्रह गरेका हुन्।

''सम्माननीय केपी शर्मा ओली नेपालको संविधान बमोजिम प्रधानमन्त्री पदबाट मुक्त हुनु भएकाले नेपालको संविधानको धारा ७६ को उपधारा (२) बमोजिम प्रधानमन्त्री नियुक्त गर्ने प्रक्रिया प्रारम्भ गर्न सम्माननीय राष्ट्रपतिज्यूलाई आग्रह गर्दछौँ," संयुक्त विज्ञप्तिमा भनिएको छ।

धारा ७६ (२) अनुसार दुई वा दुईभन्दा बढी दलको समर्थनमा बहुमत प्राप्त गर्न सक्ने सांसद प्रधानमन्त्री बन्न सक्ने व्यवस्था छ।

Post a Comment

0 Comments