कोभिडबाट नेपालमा एकैदिन ५५ जनाको मृत्यु, नयाँ सङ्क्रमितमध्ये आधाभन्दा बढी उपत्यकाका


नेपालमा गत २४ घण्टामा थप ७,६६० जनामा कोरोनाभाइरस सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।

तीमध्ये काठमाण्डू उपत्यकामा फेला परेका सङ्क्रमितको सङ्ख्या सर्वाधिक छ।

मन्त्रालयका अनुसार सो अवधिमा थप ५५ जनाको कोभिड-१९ सम्बन्धी कारणले मृत्यु भएको विवरण प्राप्त भएको छ।

यो अहिलेसम्म पुष्टि भएको सर्वाधिक दैनिक वृद्धि र मृत्युको सङ्ख्या हो।

मङ्गलवार पुष्टि भएका सङ्क्रमितहरू १६,१३१ पीसीआर र ५७१ एन्टिजन परीक्षण गर्दा पहिचान भएका हुन्।

सो अवधिमा १,७७५ जना निको भएको मन्त्रालयले जनाएको छ।

अहिलेको वृद्धिसँगै नेपालमा सक्रिय सङ्क्रमितको सङ्ख्या ५९,७९८ पुगेको छ।

सरकारले सोमवार प्रकाशित गरेको विवरणअनुसार थप ७,४४८ जनामा सङ्क्रमण र ३७ जनाको मृत्यु भएको थियो।

अहिले काठमाण्डू जिल्लामा २,७७९ जना, ललितपुरमा ६०१ जना र भक्तपुरमा ५१३ जना गरी उपत्यकामा कुल ३,८९३ जनामा कोभिड पुष्टि भएको हो।

यो वृद्धि भएको सङ्क्रमितको कुल सङ्ख्याको आधाभन्दा बढी हो।

मन्त्रालयका अनुसार रूपन्देहीमा थप ३६९, कास्कीमा २४७, मोरङमा २४६, चितवनमा २२६, दाङमा २०१ जनामा कोरोनाभाइरस सङ्क्रमण देखिएको हो।

अहिले २० वटा जिल्ला प्रत्येकमा ५०० भन्दा बढी र अन्य १४ जिल्लामा २०० भन्दा बढी सङ्क्रमित उपचारार्थ भएको मन्त्रालयले जनाएको छ।

अहिले देशभरिका अस्पतमा भर्ना भएका कोभिड बिरामीमध?ये आईसीयूमा ६१६ र भेन्टिलेटरमा १७९ जना भएको मन्त्रायलको विवरणमा उल्लेख छ।


Post a Comment

0 Comments