राजधानीसँग बाँकी देश जोड्ने सडकमा किन पहिरो खसिरहन्छ

 


अविरल वर्षाले देशका विभिन्न भागलाई राजधानीसँग जोड्ने नारायणगढ-मुग्लिङ सडक र पृथ्वी राजमार्गमा उच्च सङ्ख्यामा पहिरो निम्त्याएको अधिकारीहरूले बताएका छन्।

रणनीतिक मानिने ती दुवै सडक खण्डमा गएका पहिरो हटाएर यातायात पुन: चल्ने अवस्था बनाउन सडक विभागका अधिकारीहरू साताभर व्यस्त रहे।

सोमवारबाट बन्द नारायगढ-मुग्लिङ सडक बुधबार रातिबाट खुलेको थियो।

मोवा खोलाको पुल नजिकैको सडकको बगाउँदा मुग्लिङलाई राजधानीसँग जोड्ने पृथ्वीराजमार्ग खण्ड अवरूद्ध भएकोमा अहिले साना गाडीका लागि एकतर्फी चल्ने बनाइएको छ।

आइतवारबाट परेको पानीले नारायणगढ-मुग्लिङ सडकको चार स्थानमा ठुला पहिरो खसेको थियो भने मुग्लिङबाट मोवा खोलासम्म सानो र ठूलो गरी २३ स्थानमा पहिरो गएको डिभिजन सडक कार्यलय भरतपुरका इन्जिनियर शिव खनालले बताए।

गत वर्षको तुलनामा यस पटक पृथ्वी राजमार्गमा गएको पहिरो अप्रत्यासित भएको उनी बताउँछन्।

मोवा खोलाबाट गल्छीसम्म करिब ३० किलोमिटर क्षेत्रमा झण्डै ६५ स्थानमा पहिरो खसेको र त्यसको लेदो सडकमा बगेको डिभिजन सडक कार्यलय चितवनका प्रमुख इन्जिनियर कृष्ण अधिकारीले बताए।

यी दुई राजमार्गहरु यो स्तरमा २०५० सालपछि पहिरो गएको सडक विभागका उपमहानिर्देशक शिवहरि सापकोटा बताउँछन्।

त्यसबेला पनि पहिरोपछि पृथ्वी राजमार्ग र नारायणगढ-मुग्लिङ सडक हप्तौँ अवरुद्ध भएको थियो।


Post a Comment

0 Comments